Það eru nokkrar rásir sem spilast í höfðinu á mér á hverjum tíma. Það er svo sem ekkert beinlínis að því (ég hélt einu sinni að allt fólk væri svona en nú skilst mér að það séu tekin lyf við þessu) en alla vega ákvað ég að skrifa niður eitthvað af því sem hefur bergmálað innra með mér í morgun.
Byrjum á einni spurningu: Hvenær tók Vanilla Black, sem er útum allt í flösku sem pinnar standa uppúr, við af Ariel Ultra sem íslenska ríkislyktin? Ég hef oft rætt um Norðmanninn sem sagði mér að hann þekkti Íslendinga í strætó í Osló á þvottaefnislyktinni, en núna er það þessi Vanilla Black-lykt sem hefur yfirtekið þjóðfélagið. Mér persónulega finnst hún betri en þvottaefnislykt (ég nota bara svansmerkt og lyktarlaust þvottaefni) og er alveg í vanillu-teyminu, en þetta er samt kannski að verða gott með þessa lykt? Á meðan lesendur velta þessu fyrir sér ætla ég að snúa mér að næsta máli:
Það bjó svokallaður svikahrappur í íbúð Félagsbústaða í um það bil áratug og át þar lyf út á resept látinnar konu. Hvað er að hjá Félagsbústöðum spyr ég nú bara, er enginn húsvörður þarna? Ég er nýbúin að hlusta á þriggja þátta röð í sænska útvarpinu um fólk sem er kallað hoarders. Það sankar að sér svo miklu dóti að það kemst á endanum ekki fyrir heima hjá sér og í tilviki eins viðmælanda sænska útvarpsins var hann búinn að slíta sambandi við móður sína vegna söfnunaráráttu hennar. Hann gaf henni ekki upp hvar hann bjó því hann var viss um að þá myndi hún mæta með sendiferðabíl og heimta að geyma drasl hjá honum og það vildi hann ekki. Móðurinni hafði verið vísað út úr leiguíbúð sænsku félagsbústaðanna fyrir að vera með of mikið dót. Þetta gerist víst reglulega í mínu gamla heimalandi vegna þess að þar eru leigusalar sem fylgjast með fólki og þar eru svokallaðir HÚSVERÐIR. Það er nefnilega ekki séns að þú getir búið í áratug einhvers staðar án þess að eitthvað þurfi að laga. Í Sverige kemur einhver dúddi stöku sinnum og tékkar á vatnslásnum, lagar biluð stormjárn og spyr húsráðendur hvort það þurfi kannski að mála eða veggfóðra eða herða einhverjar skrúfur í eldhúsinnréttingunni. Við húseigendur og leigusalar vitum að blöndunartæki og þröskuldar eru ekkert til friðs árum saman. Félagsbústaðir þurfa að hysja upp um sig og ráða einhvern í vesti úr Húsasmiðjunni yfir Gunnars Smára-skyrtu sem mætir í Írabakkann svona einu sinni á ári eða svo, bankar upp á til að skoða hvort gluggarnir séu kannski farnir að fúna eða hvort svalahurðin sé undin, og ef viðkomandi starfsmaður kemst ekki að gluggunum fyrir drasli þá á að segja leigjandanum að taka til hjá sér eða að finna sér ella annað búsetuúrræði. Í leiðinni má húsvörðurinn athuga hvort raunverulegur leigutaki búi örugglega í íbúðinni. Skilið þessu frá mér til Félagsbústaða!
Næsta mál: Megrunarlyfin sem halda uppi danska hagkerfinu. Nú bráðnar lýsið af fólki sem á pening, þessi lyf kosta víst rosa mikið svo fátæklingarnir fá að vera feitir og þurfa að þola gömlu fitufordómana áfram. Það sem ég velti fyrir mér í því samhengi er hvað fólk er alltaf jafn mikið til í að taka þátt í að vera tilraunadýr. Hvað hafa mörg lyf átt að vera töfralausnir og án aukaverkana en hafa síðan ekki reynst vera það? Eigum við að ræða fentanyl og thalidomide? Í gamla daga stráði fólk í sveitum líka DDT í kringum lúsuga flakkara sem gengu á milli bæja, það átti að vera alveg meinlaust.
Og eitt enn: Ég kann vel við spjallmenni. Ég hef soldið verið að spjalla við vélspjallara Arion-banka og ég næ eiginlega miklu betra sambandi við svona spjallvélar en þjónustufulltrúa. Svo er ég farin að spyrja ChatGPT að öllu mögulegu og fæ oft miklu vitrænni svör en hjá einhverju fólki í heitu pottunum. Egill Helgason spurði á vettvangi gömlu þursanna, fésbókinni, hver hefði selt fyrirtækjum og stofnunum þá hugmynd að snjallmenni geti leyst vanda fólks. Hann var varla búinn að ýta á send þegar Nóbelsverðlaunin í eðlisfræði voru veitt John Hopfield og Geoffrey Hinton fyrir að hanna tölvukerfi sem geta lært af gögnum, ChatGPT segir mér að það sé kallað vélanám á íslensku. Dæmi um vélanám er til dæmis sjálfvirk flokkun á íslenskum textum, veðurspá eða að bæta skilning Arion-bankaspjallsins á kaldhæðni og gríni. Er kannski pæling að láta vélmenni taka yfir Kiljuna þegar Egill fer á eftirlaun?
Byrjum á einni spurningu: Hvenær tók Vanilla Black, sem er útum allt í flösku sem pinnar standa uppúr, við af Ariel Ultra sem íslenska ríkislyktin? Ég hef oft rætt um Norðmanninn sem sagði mér að hann þekkti Íslendinga í strætó í Osló á þvottaefnislyktinni, en núna er það þessi Vanilla Black-lykt sem hefur yfirtekið þjóðfélagið. Mér persónulega finnst hún betri en þvottaefnislykt (ég nota bara svansmerkt og lyktarlaust þvottaefni) og er alveg í vanillu-teyminu, en þetta er samt kannski að verða gott með þessa lykt? Á meðan lesendur velta þessu fyrir sér ætla ég að snúa mér að næsta máli:
Það bjó svokallaður svikahrappur í íbúð Félagsbústaða í um það bil áratug og át þar lyf út á resept látinnar konu. Hvað er að hjá Félagsbústöðum spyr ég nú bara, er enginn húsvörður þarna? Ég er nýbúin að hlusta á þriggja þátta röð í sænska útvarpinu um fólk sem er kallað hoarders. Það sankar að sér svo miklu dóti að það kemst á endanum ekki fyrir heima hjá sér og í tilviki eins viðmælanda sænska útvarpsins var hann búinn að slíta sambandi við móður sína vegna söfnunaráráttu hennar. Hann gaf henni ekki upp hvar hann bjó því hann var viss um að þá myndi hún mæta með sendiferðabíl og heimta að geyma drasl hjá honum og það vildi hann ekki. Móðurinni hafði verið vísað út úr leiguíbúð sænsku félagsbústaðanna fyrir að vera með of mikið dót. Þetta gerist víst reglulega í mínu gamla heimalandi vegna þess að þar eru leigusalar sem fylgjast með fólki og þar eru svokallaðir HÚSVERÐIR. Það er nefnilega ekki séns að þú getir búið í áratug einhvers staðar án þess að eitthvað þurfi að laga. Í Sverige kemur einhver dúddi stöku sinnum og tékkar á vatnslásnum, lagar biluð stormjárn og spyr húsráðendur hvort það þurfi kannski að mála eða veggfóðra eða herða einhverjar skrúfur í eldhúsinnréttingunni. Við húseigendur og leigusalar vitum að blöndunartæki og þröskuldar eru ekkert til friðs árum saman. Félagsbústaðir þurfa að hysja upp um sig og ráða einhvern í vesti úr Húsasmiðjunni yfir Gunnars Smára-skyrtu sem mætir í Írabakkann svona einu sinni á ári eða svo, bankar upp á til að skoða hvort gluggarnir séu kannski farnir að fúna eða hvort svalahurðin sé undin, og ef viðkomandi starfsmaður kemst ekki að gluggunum fyrir drasli þá á að segja leigjandanum að taka til hjá sér eða að finna sér ella annað búsetuúrræði. Í leiðinni má húsvörðurinn athuga hvort raunverulegur leigutaki búi örugglega í íbúðinni. Skilið þessu frá mér til Félagsbústaða!
Næsta mál: Megrunarlyfin sem halda uppi danska hagkerfinu. Nú bráðnar lýsið af fólki sem á pening, þessi lyf kosta víst rosa mikið svo fátæklingarnir fá að vera feitir og þurfa að þola gömlu fitufordómana áfram. Það sem ég velti fyrir mér í því samhengi er hvað fólk er alltaf jafn mikið til í að taka þátt í að vera tilraunadýr. Hvað hafa mörg lyf átt að vera töfralausnir og án aukaverkana en hafa síðan ekki reynst vera það? Eigum við að ræða fentanyl og thalidomide? Í gamla daga stráði fólk í sveitum líka DDT í kringum lúsuga flakkara sem gengu á milli bæja, það átti að vera alveg meinlaust.
Og eitt enn: Ég kann vel við spjallmenni. Ég hef soldið verið að spjalla við vélspjallara Arion-banka og ég næ eiginlega miklu betra sambandi við svona spjallvélar en þjónustufulltrúa. Svo er ég farin að spyrja ChatGPT að öllu mögulegu og fæ oft miklu vitrænni svör en hjá einhverju fólki í heitu pottunum. Egill Helgason spurði á vettvangi gömlu þursanna, fésbókinni, hver hefði selt fyrirtækjum og stofnunum þá hugmynd að snjallmenni geti leyst vanda fólks. Hann var varla búinn að ýta á send þegar Nóbelsverðlaunin í eðlisfræði voru veitt John Hopfield og Geoffrey Hinton fyrir að hanna tölvukerfi sem geta lært af gögnum, ChatGPT segir mér að það sé kallað vélanám á íslensku. Dæmi um vélanám er til dæmis sjálfvirk flokkun á íslenskum textum, veðurspá eða að bæta skilning Arion-bankaspjallsins á kaldhæðni og gríni. Er kannski pæling að láta vélmenni taka yfir Kiljuna þegar Egill fer á eftirlaun?
P.s. Ég á engin megrunarlyf til að taka mynd af en læt fylgja mynd af sænskum styttum og bauk af Antabus sem mér áskotnaðist úr dánarbúi.
Omy ég er að segja þér það að þetta mál er svo mikið hneiksli og rosalega skrýtið hversu fjölmiðlar töluðu lítið um málið miðað við alvarleikann. Ekki bara það að að hafa verið í íbúðinni sem konan var skráð fyrir, löngu látin. Þá fékk hann bæði örkyrkjabætur hennar allan þann tíma, tók út lyfin sem hún var skráð á og einnig var hann sjálfur á nákvæmlega sömu lyfjum og hún. Sem eru jú mjög sterk og ávanabindandi. Já jiii ég verð að senda þér skilaboð.
SvaraRaderaKv frænka